ಸಿರವಾರ: ಪಟ್ಟಣದ 11ನೇ ವಾರ್ಡ್ ನ ಮುಚ್ಚಳಗುಡ್ಡ ಕ್ಯಾಂಪಿನ ಶ್ರೀ ಮರಡಿ ಆಂಜನೇಯ ಸ್ವಾಮಿಯ ಜಾತ್ರಾ ಮಹೋತ್ಸವವು ಶನಿವಾರ ಶ್ರದ್ಧಾ-ಭಕ್ತಿ, ಸಂಭ್ರಮದಿಂದ ಜರುಗಿತು.
ಬೆಳಿಗ್ಗೆಯಿಂದಲೇ ಆಂಜನೇಯ ಸ್ವಾಮಿಗೆ ವಿವಿಧ ಪೂಜಾ ಸೇವೆಗಳು, ವಿಶೇಷ ಅಲಂಕಾರ, ನೈವೇದ್ಯ ಸಮರ್ಪಣೆ ಸೇರಿದಂತೆ ಧಾರ್ಮಿಕ ಕೈಂಕರ್ಯಗಳು ನೆರವೇರಿದವು.
ಸಂಜೆ ನವಲಕಲ್ ಬೃಹನ್ಮಠದ ಶ್ರೀ ಅಭಿನವ ಸೋಮನಾಥ ಶಿವಾಚಾರ್ಯ ಮಹಾಸ್ವಾಮಿಗಳು ಉಚ್ಚಾಯ ಮಹೋತ್ಸವಕ್ಕೆ ಚಾಲನೆ ನೀಡಿದರು.
ಈ ಸಂದರ್ಭದಲ್ಲಿ ಕೆ. ರಾಘವೇಂದ್ರ ಖಾಜನಗೌಡ, ಲಕ್ಷ್ಮಣ ಗುತ್ತೇದಾರ, ದೇವರಾಜ ಬಾಲಪ್ಪ, ಶರಣಬಸವ, ದೇವಪ್ಪ, ನರಸಿಂಹ, ಅಯ್ಯಪ್ಪ, ಹರೀಶ, ಗೋವಿಂದ, ಸಾಧುರಂಗ, ಮೋಹನ, ರಮೇಶ, ಭೀಮೇಶ್ ಸೇರಿದಂತೆ ಮುಚ್ಚಳಗುಡ್ಡ ಕ್ಯಾಂಪ್, ಕಡದಿನ್ನಿ ಹಾಗೂ ಕಡದಿನ್ನಿ ಕ್ಯಾಂಪ್‌ನ ಭಕ್ತಾದಿಗಳು ಮತ್ತು ಸುತ್ತಮುತ್ತಲಿನ ಗ್ರಾಮಗಳ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು.
